Misr tashqi ishlar vaziri Samix Shukriy Meksika xalqiga yo‘llagan ochiq xatida 13-sentabr kuni G‘arbiy sahroda misrlik harbiylar tomonidan otib tashlangan meksikalik sayyohlar bilan bog‘liq fojiani batafsil va ochiq tergov qilinishiga va’da berdi. Bu haqda “RIA Novosti” xabar bermoqda.
“Hozirgi vaqtda Misr mazkur fojianing barcha tafsilotlarini aniqlash maqsadida tergov harakatlarini olib bormoqda. Mamlakat hukumati o‘sha mudhish kun haqidagi barcha haqiqatni aniqlash uchun kuchni ayamayapti, tergov harakatlari ochiq bo‘ladi va biz barcha tafsilotlarni ma’lum qilamiz”, — dedi vazir.
Uning qo‘shimcha qilishicha, iqtisodiyoti sayyohlik sohasiga bog‘liq bo‘lgan Misr “13-sentabrdagi voqealar sabab ko‘p narsa yo‘qotdi”. Misr tashqi ishlar vazirining mazkur ochiq xati ingliz va ispan tillarida Meksikaning barcha yetakchi nashrlarida chop etildi.
Izoh (0)