Qozog‘istonning “Passajirskiye perevozki” kompaniyasi O‘zbekiston va Qozog‘iston o‘rtasida qatnovchi poyezd biletlari uchun chegirmalar joriy etdi. Bu haqda Kazakhstan Today xabar bermoqda.
Xabar berishlaricha, chegirmalar “Passajirskiye perevozki”ning Qozog‘istondan O‘zbekistonga qatnayotgan davlatlararo poyezdlari vagonlari uchun 17-sentabrdan 31-dekabrgacha, “O‘zbekiston temir yo‘llari”ning O‘zbekistondan Qozog‘istonga yoki Qozog‘iston orqali qatnayotgan poyezdlari uchun 10-sentabrdan 30-noyabrgacha amal qiladi.
Agar poyezd chiptalari kupeli vagonlar uchun jo‘nashdan 45—31 kun avval sotib olinsa 45 foiz, 30—6 kun avval sotib olinsa 35 foiz chegirma bilan sotiladi. Platskart vagonlarning chiptalari uchun esa xuddi shunday muddatlarda mos ravishda 35 va 25 foizlik chegirmalar amal qiladi.
Izoh (0)