Миср ташқи ишлар вазири Самих Шукрий Мексика халқига йўллаган очиқ хатида 13 сентябрь куни Ғарбий саҳрода мисрлик ҳарбийлар томонидан отиб ташланган мексикалик сайёҳлар билан боғлиқ фожиани батафсил ва очиқ тергов қилинишига ваъда берди. Бу ҳақда «РИА Новости» хабар бермоқда.
«Ҳозирги вақтда Миср мазкур фожианинг барча тафсилотларини аниқлаш мақсадида тергов ҳаракатларини олиб бормоқда. Мамлакат ҳукумати ўша мудҳиш кун ҳақидаги барча ҳақиқатни аниқлаш учун кучни аямаяпти, тергов ҳаракатлари очиқ бўлади ва биз барча тафсилотларни маълум қиламиз», — деди вазир.
Унинг қўшимча қилишича, иқтисодиёти сайёҳлик соҳасига боғлиқ бўлган Миср «13 сентябрдаги воқеалар сабаб кўп нарса йўқотди». Миср ташқи ишлар вазирининг мазкур очиқ хати инглиз ва испан тилларида Мексиканинг барча етакчи нашрларида чоп этилди.
Изоҳ (0)