KXDR Markaziy telegraf agentligi (KMTA) Yonbendagi yadro obyekti “to‘liq quvvatda” ishga tushgani haqida xabar berdi, deb yozadi “RIA Novosti” Janubiy Koreyaning “Ryonxap” agentligiga tayanib.
Agentlik ma’lumotlariga ko‘ra, KXDR rahbariyati, shuningdek, mamlakat “o‘z yadro qurolining son va sifat darajasini oshirishda davom etishi”ni e’lon qilgan.
Avvalroq Atom energiyasi bo‘yicha xalqaro agentlik (MAGATE) Shimoliy Koreyaning Yonbendagi yadro ilmiy-tadqiqot markazida keng ko‘lamdagi qurilish ishlari olib borilayotganini qayd etgan edi.
Nashr eslatishicha, Shimoliy Koreya 2005-yili o‘zini yadroviy qurolga ega davlat deb e’lon qilgan. Mamlakatda 2006, 2009 va 2013-yillarda yadroviy qurol sinovlari o‘tkazilgan.
Izoh (0)