Medvedev Rossiyada o‘tkazgan asosiy islohotlar sanab o‘tildi (fotogalereya)

Rossiya hukumati raisi Dmitriy Medvedev 50 yoshga to‘ldi, deya xabar bermoqda “RBK”.

Uning ish tajribasi Sankt-Peterburg meri, “Gazprom” direktorlar kengashi raisi, prezident ma’muriyati rahbari, hukumat raisi o‘rinbosari, prezident va bosh vazir lavozimlarini o‘z ichiga oladi.

Medvedev tarixga keng ko‘lamli loyihalar va islohotlar muallifi sifatida kirgan. “RBK” ularning eng mashhurlarini esga oldi.

Militsiya islohoti

U barcha militsiya xodimlarining qayta attestatsiyadan o‘tkazilishi, shaxsiy tarkibi qisqartirilishi, politsiyachilarning jamoatchilik fikrini hisobga olgan holda baholanishi va, asosiysi, “politsiya” deb nomlanishini ko‘zda tutadi.

Moskvaning kengaytirilishi

2010-yil iyunida Medvedev poytaxt maydonini unga qator tumanlarni qo‘shish orqali ikki yarim marta kengaytirishni taklif qildi.

Siyosiy liberalizatsiya

2011-yilgi Davlat dumasi saylovlaridan keyin bo‘lib o‘tgan ommaviy norozilik namoyishlaridan so‘ng Medvedev tizimning konservatsiyasidan noroziliklarga barham berishga qaratilgan keng ko‘lamli siyosiy islohot o‘tkazishni taklif qildi.

Jinoiy kodeksning gumanizatsiya qilinishi

Jinoiy kodeksga majburiy ishlar va elektron brasletlar taqish kiritildi. Jinoyatlarning bir qismi uchun qamoq jazosi bekor qilindi.

AQSh bilan munosabatlarning yangilanishi

2009-yil 6-martida Rossiya va AQSh tashqi ishlar vazirlari Sergey Lavrov va Hillari Klinton Vashingtondan keltirilgan “Qaytadan ishga tushirish” tugmasini bosdi, bu ikki mamlakat aloqalarini yangi sifatdagi darajaga chiqarishni bildiradi.

Shuningdek, Medvedev tomonidan joriy etilgan milliy loyihalar, daromadlar haqida deklaratsiya, qishki vaqtga o‘tishning bekor qilinishi sanab o‘tildi.