FIFA rasmiy sayti milliy terma jamoalarning so‘nggi reytingini e’lon qildi, deb xabar beradi O‘zbekiston futbol federatsiyasi matbuot xizmati.
O‘zbekiston ushbu reytingda o‘tgan oyda e’lon qilingan reytingdagi o‘rnida qoldi. Ayni paytda O‘zbekiston terma jamoasi hisobida 453 ochko mavjud. Osiyoda O‘zbekiston hamon oltinchi o‘rinni egallab turibdi.
Umumiy reytingda 40-o‘rinni egallab turgan Eron Osiyo jamoalari ichida eng yuqori pog‘onada. Undan keyingi pog‘onalarda Janubiy Koreya, Yaponiya, Avstraliya va BAA terma jamoalari o‘rin olgan.
Umumiy reytingni amaldagi jahon vitse-chempioni — Argentina boshqarib turibdi. Ular hisobida 1442 ochko mavjud. Ikkinchi o‘rinni Belgiya (1269), uchinchi o‘rinni jahonning amaldagi chempioni Germaniya (1248) band etgan.
Izoh (0)