AQSh prezidenti Barak Obama ma’muriyati, mamlakat davlat organlari hamda xususiy kompaniyalariga nisbatan davom etayotgan kiberhujumlar sabab, Xitoy kompaniyalari va jismoniy shaxslariga nisbatan joriy etiladigan sanksiyalar loyihasini ishlab chiqishga kirishdi. Bu haqda Meduza xabar bermoqda.
The Washington Post’ning yozishicha, sanksiyalar AQShga tegishli maxfiy ma’lumotlarning o‘g‘irlanishidan manfaat topgan kompaniya va jismoniy shaxslarga nisbatan qo‘llaniladi.
AQSh ma’muriyati sanksiyalarni joriy etish yoki etmaslik haqida yakuniy bir qarorga kelmagan. Qayd etish joiz, Qo‘shma Shtatlar shu vaqtga qadar kiberhujumlar sabab hech qachon sanksiya e’lon qilmagan.
“Si Szinpinning AQShga tashrifi arafasida sanksiyalar joriy etilishi mumkinligi ham kiberhujumlar AQShni qanchalar xafa qilganidan dalolatdir”, — deb yozadi The Washington Post.
Avvalroq, 2015-yil aprelida Barak Obama kiberhujumlar munosabati bilan iqtisodiy sanksiyalar joriy etishga ruxsat berishni nazarda tutuvchi qonun loyihasini imzolagan edi.
Izoh (0)