Qirg‘iziston poytaxti Bishkek shahrida 31-avgust, dushanba kuni mamlakat mustaqilligining 24 yilligiga bag‘ishlangan bayram tantanalari bo‘lib o‘tdi. Bu haqda “Gazeta.uz” xabar bermoqda.
Shahar ma’muriyatining ma’lum qilishicha, Bishkekning barcha to‘rt tumanida xalq sayllari, ommaviy sport tadbirlari, tanlovlar va musiqiy dasturlar tashkil etildi. Ala-Too markaziy maydonidagi tantanali marosimda esa Qirg‘iziston prezidenti Almazbek Atambayev qatnashadi.
Shuningdek, shahar chekkasidagi Alamiddin qishlog‘ida bayram tantanalari doirasida III xalqaro palov festivali tashkil etiladi. Unda Qirg‘iziston va qo‘shni mamlakatlardan o‘nlab oshpazlar ishtirok etadi.
Tantanalar vaqtida Bishkek shahrida to‘rt mingdan ortiq militsiya xodimlari tartibni saqlab turadi.
Izoh (0)