Fransiyadagi eng yirik A1 shossesini qamal qilgan lo‘lilar hamjamiyatining norozilik namoyishi yakuniga yetdi, deya xabar bermoqda “TASS”. Fransiyaning France info radiostansiyasi xabariga ko‘ra, shosse bo‘ylab harakat tez orada qayta tiklanadi.
Ma’lum bo‘lishicha, lo‘lilar hamjamiyati vakillari ayni vaqtda hibsda saqlanayotgan elatdoshlaridan biri o‘z otasining dafn marosimida ishtirokini ta’minlashni hukumatdan talab qilib, shoh ko‘chani qamal qilgan. Oqibatda yo‘l bo‘ylab ko‘p kilometrlik tirbandlik yuzaga kelgan
29-avgust, shanba kuni tongda Amyen shahri apellyatsiya sudi hibsga olinganlardan biriga otasining 31-avgust, dushanba kuni bo‘ladigan dafn marosimida ishtirok etishga ruxsat berdi. Mazkur qarordan so‘ng lo‘lilar A1 shossesini tark etdi.
Izoh (0)