Франциядаги энг йирик А1 шоссесини қамал қилган лўлилар ҳамжамиятининг норозилик намойиши якунига етди, дея хабар бермоқда «ТАСС». Франциянинг France info радиостанцияси хабарига кўра, шоссе бўйлаб ҳаракат тез орада қайта тикланади.
Маълум бўлишича, лўлилар ҳамжамияти вакиллари айни вақтда ҳибсда сақланаётган элатдошларидан бири ўз отасининг дафн маросимида иштирокини таъминлашни ҳукуматдан талаб қилиб, шоҳ кўчани қамал қилган. Оқибатда йўл бўйлаб кўп километрлик тирбандлик юзага келган
29 август, шанба куни тонгда Амен шаҳри апелляция суди ҳибсга олинганлардан бирига отасининг 31 август, душанба куни бўладиган дафн маросимида иштирок этишга рухсат берди. Мазкур қарордан сўнг лўлилар А1 шоссесини тарк этди.
Изоҳ (0)