Malayziya bosh vaziri Najib Razzoqning iste’fosini talab qilib 10 mingga yaqin odam Kuala-Lumpur ko‘chalariga chiqdi. Interfax xabariga ko‘ra, norozilik namoyishi ikki kun davom etishi kutilmoqda.
Avvalroq Malayziya hukumati nodavlat tashkilotlarning haqqoniy saylovlar uchun kurashuvchi koalitsiyasi — Bersih tomonidan berilgan namoyish o‘tkazish taklifini rad etib, uni noqonuniy deb topgandi. Bundan tashqari, tashkilot sayti hukumat qaroriga muvofiq blok qilingan.
Iyul oyida bosh vazir Razzoqqa nisbatan Malayziya hukumati tomonidan tekshiruv ishlari boshlangan edi, bunga 1Malaysia Development Bhd (1MDB) davlat investitsiya fondidan bosh vazirning bankdagi shaxsiy hisob-raqamiga 700 million dollar o‘tkazilgani ma’lum bo‘lgani sabab bo‘ldi.
O‘z navbatida, Najib Razzoq uni tanqid qilgani uchun o‘z o‘rinbosari Muhiddin Yasinni iste’foga chiqarib, o‘rniga Ahmad Zohid Hamidiyni tayinladi. Bundan tashqari, Razzoq o‘ziga qarshi qaratilgan ish yuzasidan dalillarni to‘playotgan bosh prokuror Abdul G‘ani Pataylani ham ishdan oldi.
Izoh (0)