Buyuk britaniyalik 46 yoshli Skott Stemmers Nyu-York sudida Shimoliy Koreyada tayyorlangan 100 kilo metamfetaminning AQShga kontrabandasi bilan shug‘ullanganini tan oldi. Bu haqda “RIA Novosti” xabar bermoqda.
Stemmers 2013-yil sentyabrida Tailandda qo‘lgan olingan besh kishidan iborat jinoiy guruh a’zosi bo‘lgan. Tergov materiallariga ko‘ra, hibsga olingan ikki nafar gonkonglik KXDR hududida ishlab chiqarilgan narkotiklarni sotish, ikki nafar britaniyalik esa metamfetaminni saqlash va manziliga yetkazish bilan shug‘ullangan. Jinoiy guruhning uch a’zosi oldinroq o‘z aybini tan olgan, beshinchi gumonlanuvchi — Filip Shekels esa sud oldida endi javob beradi.
Ayblanuvchilar Shimoliy Koreya narkotiklarini yetkazib berish bilan shug‘ullangan dunyoda yagona guruh ekanligi bilan maqtangan. Ular AQShga jo‘natgan narkotiklarning tozalik darajasi 98 foizni tashkil etgan.
Izoh (0)