Bu yil o‘zining 60 yillik yubileyini nishonlaydigan Ginnesning Rekordlar kitobi insoniyatning shu sana mobaynida erishgan eng katta yutuqlari to‘g‘risida hikoya qildi. Bu haqda tahririyat sayti xabar bergan.
Nashr dastlab chop etilgan 1955-yili xit-paradlarni qo‘shiqlari bilan bir necha bor ishg‘ol qilgan Elvis Preslining rekordi e’tirof etilgan. 60-yillarda asosan koinotni zabt etish bilan bog‘liq voqealar, jumladan, Gagarinning ilk parvozi, Leonovning ochiq koinotga chiqishi, Nil Armstrongning Oyga qadam bosishi e’tibor markazida bo‘lgan.
70-yillar ko‘proq birinchi e-mail xabar, mobil telefondan ilk qo‘ng‘iroq bilan yodda qolgan. 80-yillarda esa dunyodagi eng xaridorgir musiqali albom — Thriller (Maykl Jekson) va eng ko‘p sotiladigan videoo‘yinga (“Tetris”) diqqat qaratilgan.
90-yillarda birinchi internet-brauzer yaratilgani va ilk kompyuterda ishlangan multfilm (“O‘yinchoqlar tarixi”), 2000-yillar Useyn Boltning 100 metrga yugurishda o‘rnatgan rekordi va dunyodagi eng katta toshbaqa shov-shuvlarga sabab bo‘lgan. Oxirgi o‘n yillikda esa Feliks Baumgartnerning 39 kilometr balandlikdan parashyut bilan sakragani va teleboshlovchi Ellen Dejeneres 2014-yilgi Oskar mukofotini topshirish marosimidan olgan selfi barchaning e’tiborini o‘ziga jalb etgan.
Izoh (0)