Бу йил ўзининг 60 йиллик юбилейини нишонлайдиган Гиннеснинг Рекордлар китоби инсониятнинг шу сана мобайнида эришган энг катта ютуқлари тўғрисида ҳикоя қилди. Бу ҳақда таҳририят сайти хабар берган.
Нашр дастлаб чоп этилган 1955 йили хит-парадларни қўшиқлари билан бир неча бор ишғол қилган Элвис Преслининг рекорди эътироф этилган. 60-йилларда асосан коинотни забт этиш билан боғлиқ воқеалар, жумладан, Гагариннинг илк парвози, Леоновнинг очиқ коинотга чиқиши, Нил Армстронгнинг Ойга қадам босиши эътибор марказида бўлган.
70-йиллар кўпроқ биринчи e-mail хабар, мобил телефондан илк қўнғироқ билан ёдда қолган. 80-йилларда эса дунёдаги энг харидоргир мусиқали альбом — Thriller (Майкл Жексон) ва энг кўп сотиладиган видеоўйинга («Тетрис») диққат қаратилган.
90-йилларда биринчи интернет-браузер яратилгани ва илк компьютерда ишланган мультфильм («Ўйинчоқлар тарихи»), 2000-йиллар Усейн Болтнинг 100 метрга югуришда ўрнатган рекорди ва дунёдаги энг катта тошбақа шов-шувларга сабаб бўлган. Охирги ўн йилликда эса Феликс Баумгартнернинг 39 километр баландликдан парашют билан сакрагани ва телебошловчи Эллен Деженерес 2014 йилги Оскар мукофотини топшириш маросимидан олган селфи барчанинг эътиборини ўзига жалб этган.
Изоҳ (0)