Ekspertlar: Bir martalik plastik idishlardan qayta foydalanish sog‘liq uchun xavfli

Ba’zida plastikli suv idishlari, jumladan, bir marta ishlatiladiganlaridan ham qayta-qayta foydalanishimizga to‘g‘ri keladi. Vaholanki, bunday idishlarni qancha ko‘p ishlatsangiz, shuncha sog‘ligingizni xavf ostiga qo‘ygan bo‘lasiz. Bu haqda “Segodnya.ua” xabar bermoqda.

Plastik idishlardan tez-tez foydalanganda ularda bakteriyalar joylashuvi uchun qulay bo‘lgan yoriqlar paydo bo‘ladi. Bakteriyalar ayniqsa idishlarning og‘zida in qurishni xush ko‘radi. Shu bois mutaxassislar ko‘p marta ishlatishga mo‘ljallangan plastik idishlarni muntazam va qunt bilan yuvib turish, bir marta ishlatish uchun chiqarilganlaridan esa darrov xalos bo‘lishni maslahat beradi.