Madridning “Real” futbol klubi hujumchisi Krishtianu Ronaldu uchrashuvlardan so‘ng o‘z kuchini qanday qilib tiklashini ma’lum qildi. “Zakon.kz” xabariga ko‘ra, futbolchi buning uchun muzli vanna qabul qiladi.
Krishtianu mazkur amaliyotni har bir o‘yindan so‘ng qiladi. “Muzdek vanna — dam olishning eng yaxshi yo‘li. Siz ham qo‘llab ko‘ring!”, — dedi Ronaldu. Bundan tashqari, mushaklarni bir maromda saqlab turish uchun portugaliyalik futbolchi harorati 200 daraja sovuq bo‘lgan kriosaunadan foydalanadi.
Ronaldu o‘zining bu kabi sirlarini “Galatasaroy”ga qarshi Santyago Bernabeu kubogi uchrashuvidan so‘ng ma’lum qildi. Mazkur o‘yinda “Real” 2:1 hisobida g‘alaba qozondi.
Ma’lumot uchun, 21-avgust, juma kuni futbol bo‘yicha Ispaniya chempionati bahslari start oldi. “Real” musobaqadagi ilk uchrashuvini 23-avgust kuni o‘z maydonida “Sporting Xixon”ga qarshi o‘tkazadi.
Izoh (0)