Xalqaro yengil atletika federatsiyalari assotsiatsiyasi (IAAF) oyog‘iga protez o‘rnatilgan amputant-sportchilarning mazkur tashkilot bayrog‘i ostida o‘tkazilayotgan musobaqalarda ishtirok etishini taqiqladi. Bu haqda “DeMorgan.be” xabar bermoqda.
Amaldorlarning fikricha, protezlardan foydalanish sportchilarga ustunlik berishi mumkin. Qaror shu yilning noyabr oyidan kuchga kiradi. IAAF bosh kotibi Essar Gabrielning umid bildirishicha, protezli sportchilar alohida ligada musobaqalashishadi.
Eng mashhur amputant-sportchi janubiy afrikalik Oskar Pistorius hisoblanadi, hozirgi vaqtda u dugonasi Riva Stenkampni o‘ldirgani uchun jazo muddatini o‘tamoqda.
Har ikkala oyog‘i tizza ostidan kesib tashlangan Pistorius protez oyoqlarda yengil atletika bo‘yicha 2011-yilgi jahon chempionati kumush medalni qo‘lga kiritgandi, shuningdek, 2012-yilgi Olimpiadada qatnashgandi. U Paralimpiya o‘yinlarining olti karra chempioni hisoblanadi.
Izoh (0)