Ruminiyada moldovalik va ukrainalik sayyohlarni olib ketayotgan avtobus ishtirokida yuz bergan yo‘l-transport hodisasi natijasida ikki kishi halok bo‘ldi, 36 kishi tan jarohati oldi. Bu haqda “TASS” xabar bermoqda.
Breila uyezdi politsiyasidan ma’lum qilishlaricha, “Istanbul — Buxarest — Kishinyov” yo‘nalishi bo‘ylab harakatlanayotgan transport vositasi salonida 50 nafar yo‘lovchi bo‘lgan.
“Avtobus Baldovinesht aholi yashash punkti yaqinida ag‘darilib ketgan. Hodisa joyida shoshilinch tibbiy yordam xizmatining 15 gurhuhi ish olib bormoqda. Jabrlanuvchilar yaqin masofada joylashgan Briela va Galats shaharlari kasalxonalariga jo‘natilmoqda”, — dedi Ruminiya Sog‘liqni saqlash vazirligi bosh kotibi Rayed Arafat.
Bu so‘nggi bir hafta ichida Ruminiyada chet ellik sayyohlar avtobusi ishtirokida ro‘y berayotgan uchinchi avariyadir. Bungacha, 16-avgust, yakshanba kuni yuz bergan YTH natijasida bir nafar ukrainalik ayol halok bo‘lgan, bir necha kishi tan jarohati olgandi.
9-avgust kuni ukrainaliklarni olib ketayotgan boshqa bir avtobus “Konstansa — Buxarest” yo‘lida avariyaga uchragan, oqibatda ikki yo‘lovchi halok bo‘lib, 48 kishi, jumladan, 21 bola turli darajada tan jarohati olgandi.
Izoh (0)