Руминияда молдовалик ва украиналик сайёҳларни олиб кетаётган автобус иштирокида юз берган йўл-транспорт ҳодисаси натижасида икки киши ҳалок бўлди, 36 киши тан жароҳати олди. Бу ҳақда «ТАСС» хабар бермоқда.
Бреила уезди полициясидан маълум қилишларича, «Истанбул — Бухарест — Кишинёв» йўналиши бўйлаб ҳаракатланаётган транспорт воситаси салонида 50 нафар йўловчи бўлган.
«Автобус Балдовинешт аҳоли яшаш пункти яқинида ағдарилиб кетган. Ҳодиса жойида шошилинч тиббий ёрдам хизматининг 15 гурҳуҳи иш олиб бормоқда. Жабрланувчилар яқин масофада жойлашган Бриэла ва Галац шаҳарлари касалхоналарига жўнатилмоқда», — деди Руминия Соғлиқни сақлаш вазирлиги бош котиби Раед Арафат.
Бу сўнгги бир ҳафта ичида Руминияда чет эллик сайёҳлар автобуси иштирокида рўй бераётган учинчи авариядир. Бунгача, 16 август, якшанба куни юз берган ЙТҲ натижасида бир нафар украиналик аёл ҳалок бўлган, бир неча киши тан жароҳати олганди.
9 август куни украиналикларни олиб кетаётган бошқа бир автобус «Констанса — Бухарест» йўлида аварияга учраган, оқибатда икки йўловчи ҳалок бўлиб, 48 киши, жумладан, 21 бола турли даражада тан жароҳати олганди.
Изоҳ (0)