Rossiyaning Saxalin viloyati huquqni muhofaza qilish organlari xodimlari internetga noma’lum kimsalar jip ostiga tiqilib qolgan ayiqni pichoq bilan so‘yib tashlashga tahdid qilayotgani aks etgan video joylanishi yuzasidan tekshiruv boshladi. Bu haqda Rossiya IIV mintaqaviy boshqarmasi saytida aytiladi.
Aniqlanishicha, Kuril tumanidagi Reydovo qishlog‘ida sodir bo‘lgan hodisaga uch nafar mahalliy fuqaro aloqador.
Tarmoqqa joylangan videoda ayiq ustidan kulgan kishilar ikkita avtomobilda kelganini ko‘rish mumkin. Ular jipda jonivorni bosib, yerga qapishtiradi. Voqea ikkinchi mashinadan turib suratga olinadi. Erkaklardan biri tiqilib qolgan hayvonni o‘ldirish uchun pichoq so‘raydi, ikkinchisi, hazillashib, uni zo‘rlashni taklif qiladi. Rolik so‘ngida ayiq jip tagidan chiqib olishga muvaffaq bo‘ladi, so‘ng ikkinchi avtomobilga hamla qiladi.
Shafqatsiz odamlar ayiqni sakkiz marta bosib o‘tgani xabar berilmoqda. Ma’lum qilinishicha, ayiq tirik qolgan.
Izoh (0)