Respublikachilar partiyasi tomonidan AQSh prezidentligiga nomzod etib ko‘rsatilishga da’vogar Donald Tramp o‘zining saylovoldi kampaniyasi uchun, zarurat tug‘ilgudek bo‘lsa, milliard dollar sarflashga tayyor. Bu haqda u Ayova shtatining De-Moyn shahridagi chiqishida ma’lum qilgan, deya xabar bermoqda “TASS”.
Tramp prezidentlik lavozimi uchun kurashdagi raqiblarini ularni mablag‘ bilan ta’minlayotgan homiylarga bog‘liqlikda aybladi. U boshqa siyosatchilardan farqli ravishda uchinchi shaxslarning moliyaviy ko‘magiga muhtoj emasligini ta’kidlagan.
Donald Trampning 500 dan ziyod kompaniyalarga aloqasi borligi taxmin qilinadi. Uning o‘zi yiliga 400 million dollar ishlab topishini aytib, jami mol-mulkini 10 milliard dollar atrofida baholagan.
Izoh (0)