Xitoyning Ulanchab shahrida boks bo‘yicha xotin-qizlar o‘rtasida o‘tkazilayotgan Osiyo chempionatidan hushxabarlar kelishda davom etmoqda, deb xabar qiladi O‘zbekiston Milliy olimpiya qo‘mitasi matbuot xizmati.
O‘zbekiston terma jamoasi a’zosi Shahnoza Nizomova (-69 kg) yarim finalga chiqib, kamida bronza medalini naqd qilib qo‘ygandi.
O‘zbekistonlik yana bir sportchi Yodgoroy Mirzayeva chorak finalda xitoylik bokschi ustidan zafar quchgan va u ham yarim finalga yetib kelgan.
Eslatib o‘tamiz, chin yurtiga yo‘l olgan O‘zbekiston terma jamoasi tarkibidan Mahfuzaxon Ergasheva, Nafisaxon Asqarova, Dilnavoz Norxo‘jayeva, Emine Shmikova, Gulasal Atakulova, Go‘zal Ismatova, Yodgoroy Mirzayeva, Shahnoza Nizomova, Aziza Yoqubova hamda Nasiba Ro‘zimatova o‘rin egallagan. Terma jamoa bosh murabbiyi Rahmatxon Ro‘zioxunov.
Izoh (0)