Ispaniyada har yili jahonning eng ayanchli bayramlaridan biri nishonlanadi. “Segodnya.ua”ning yozishicha, bayram tadbirlari shahar bosh maydonida bo‘lib o‘tadi, unda raqs, orkestr musiqasi va turli ko‘ngilochar dasturlardan tashqari ajoyib mushakbozlik ham uyushtiriladi.
Avliyo Marta bayrami bir oyog‘i bilan go‘rda bo‘lib qaytganlar tomonidan nishonlanadi. Bu “qayta tirilganlar” himoyachisi sifatida ko‘riladigan avliyo Martaga hurmat bajo keltirish marosimidir.
Ertalab soat 10:00 da tirik odamlar o‘zlariga tegishli tobutga yotadi, do‘stlari esa tobutni ko‘tarib qabristonga eng yaqin Las-Nyeves cherkoviga olib boradi. Yaqinlari yo‘q odamlar esa tobutni o‘zi ibodatxonaga olib borib, o‘sha yerda tobut ichiga yotadi.
Ibodat yakuniga yetganidan so‘ng, tobutdagilar, tobutni olib kelgan yaqinlar va qarindoshlar, ruhoniylar saf bo‘lib qabristonga yo‘l oladi va u yerdan yana cherkovga qaytadi.
Izoh (0)