Испанияда ҳар йили жаҳоннинг энг аянчли байрамларидан бири нишонланади. «Сегодня.ua»нинг ёзишича, байрам тадбирлари шаҳар бош майдонида бўлиб ўтади, унда рақс, оркестр мусиқаси ва турли кўнгилочар дастурлардан ташқари ажойиб мушакбозлик ҳам уюштирилади.
Авлиё Марта байрами бир оёғи билан гўрда бўлиб қайтганлар томонидан нишонланади. Бу «қайта тирилганлар» ҳимоячиси сифатида кўриладиган авлиё Мартага ҳурмат бажо келтириш маросимидир.
Эрталаб соат 10:00 да тирик одамлар ўзларига тегишли тобутга ётади, дўстлари эса тобутни кўтариб қабристонга энг яқин Лас-Ньевес черковига олиб боради. Яқинлари йўқ одамлар эса тобутни ўзи ибодатхонага олиб бориб, ўша ерда тобут ичига ётади.
Ибодат якунига етганидан сўнг, тобутдагилар, тобутни олиб келган яқинлар ва қариндошлар, руҳонийлар саф бўлиб қабристонга йўл олади ва у ердан яна черковга қайтади.
Изоҳ (0)