Bryusselning Skarbek kommunasida jahl otiga mingan erkak olti yoshli qizga pichoq bilan jarohat yetkazib, uni uchinchi qavat derazasidan tashlab yubordi, shundan so‘ng singlisiga yordam bermoqchi bo‘lgan yetti yoshli bolaga hujum qilib, uni balkondan uloqtirdi. Bu haqda “Vesti.ru” xabar bermoqda.
Mahalliy politsiya ma’lumotiga ko‘ra, kelishmovchilik bolalarning onasi va ayol bilan birga yashaydigan, bolalarning otasi hisoblanmagan erkak o‘rtasida kelib chiqqan. Erkak mazkur harakatlarni ona va ko‘plab guvohlar ko‘z oldida amalga oshirgan.
Bolalar maysazorga, yumshoq tushgan. Dastlabki ma’lumotlarga ko‘ra, bolakayning hayotiga hech narsa xavf solayotgani yo‘q, biroq qizchaning holati nisbatan og‘ir deb aytilmoqda.
Hodisa joyi yaqinida bo‘lgan politsiyachilarning sa’y-harakatlari bilan jinoyatchi tezda qo‘lga olingan, biroq u politsiyachilarning savollariga javob berishdan bosh tortgan.
Ma’lum bo‘lishicha, u bungacha ham bir necha huquqbuzarliklari uchun politsiya tomonidan hibsga olingan. Bundan tashqari, u bolalar istiqomat qilayotgan uyga yaqinlashish huquqiga ega bo‘lmagan.
Izoh (0)