Yaman prezidenti Abd Rabbo Mansur Xadi 1-avgust, shanba kuni mamlakatda taniqli uch siyosiy arbob — Haydar Abu Bakr al-Attas, Ahmad Ubayd bin Dagr va Abdul Aziz Ahmad Jabariyni maslahatchi lavozimiga tayinlanganini e’lon qildi. Bu haqda “Kommersant.ru” xabar bermoqda.
Yaman siyosiy sahnasi faxriylaridan biri hisoblangan Haydar Abu Bakr al-Attas aprel oyida 76 yoshga to‘ldi. U 1990—1994-yillarda, Shimoliy va Janubiy Yaman birlashganidan so‘ng vazirlar mahkamasiga raislik qilgan vaqtida ayniqsa katta muvaffaqiyatlarga erishgan.
Ahmad Ubayd bin Dagr 2011-yildan beri Muhammad Basindva hukumatida Axborot-kommunikatsiya texnologiyalari vazirligiga rahbarlik qilib kelayotgandi, ayni vaqtda, u hukmron Umummilliy kongress partiyasi yetakchilaridan biri ham sanaladi.
Abdul Aziz Jabariy esa Adolat va qurilish partiyasi asoschisidir. Bundan tashqari, Jabariy 2015-yilning may oyida Saudiya Arabistonida tashkil etilgan Yaman bo‘yicha konferensiya tashkilotchilaridan biri edi.
Eslatib o‘tamiz, gumanitar tashkilotlarning so‘nggi hisobotlariga ko‘ra, qurolli nizo domida qolgan Yamanda 6 milliondan ortiq aholi ochlik yoqasida turibdi.
Izoh (0)