Брюсселнинг Скарбек коммунасида жаҳл отига минган эркак олти ёшли қизга пичоқ билан жароҳат етказиб, уни учинчи қават деразасидан ташлаб юборди, шундан сўнг синглисига ёрдам бермоқчи бўлган етти ёшли болага ҳужум қилиб, уни балкондан улоқтирди. Бу ҳақда «Vesti.ru» хабар бермоқда.
Маҳаллий полиция маълумотига кўра, келишмовчилик болаларнинг онаси ва аёл билан бирга яшайдиган, болаларнинг отаси ҳисобланмаган эркак ўртасида келиб чиққан. Эркак мазкур ҳаракатларни она ва кўплаб гувоҳлар кўз олдида амалга оширган.
Болалар майсазорга, юмшоқ тушган. Дастлабки маълумотларга кўра, болакайнинг ҳаётига ҳеч нарса хавф солаётгани йўқ, бироқ қизчанинг ҳолати нисбатан оғир деб айтилмоқда.
Ҳодиса жойи яқинида бўлган полициячиларнинг саъй-ҳаракатлари билан жиноятчи тезда қўлга олинган, бироқ у полициячиларнинг саволларига жавоб беришдан бош тортган.
Маълум бўлишича, у бунгача ҳам бир неча ҳуқуқбузарликлари учун полиция томонидан ҳибсга олинган. Бундан ташқари, у болалар истиқомат қилаётган уйга яқинлашиш ҳуқуқига эга бўлмаган.
Изоҳ (0)