Shveysariyaning uch banki soliqdan bo‘yin tovlagan amerikaliklarga xizmat ko‘rsatgani uchun AQShga jami 8,4 million dollar miqdorida jarima to‘laydi. Bu haqda “Segodnya.ua” xabar bermoqda.
AQSh Adliya vazirligi tomonidan e’lon qilingan axborotga ko‘ra, Luganodagi PKB Privatbank va Credito Privato Commerciale banklari, shuningdek, Syurixdagi Falcon Private Bank bilan to‘lovlar malasida kelishuvga erishilgan.
2015-yilning mart oyida Shveysariyaning Privatbank BSI SA banki AQSh Adliya vazirligi bilan 211 million dollar to‘lash borasida kelishuvga erishgandi. Mazkur bankning ham amerikalik mijozlari soliqdan bo‘yin tovlaganlar bo‘lib chiqqan.
Agar bank tovon pulini to‘lashdan bosh tortsa, u holda jinoyatga sherik sifatida ta’qib ostiga olingan bo‘lardi. Umuman olganda, shunga o‘xshash qoidabuzarliklarga yo‘l qo‘ygani uchun Shveysariyaning 25 banki AQSh tomonidan jarimaga tortilgan.
Izoh (0)