Yevropa Ittifoqi mamlakatlarining qishloq xo‘jalik mahsulotlari ishlab chiqaruvchilari Rossiya tomonidan joriy etilgan oziq-ovqat embargosidan 5,5 milliard yevro miqdorida zarar ko‘rdi. Bu haqda, Yevropa fermerlari professional ittifoqi prezidenti Albert Yan Maat ma’lum qildi, deya xabar bermoqda “RBC.ru”.
“Rossiya joriy etgan savdo embargosi qishloq xo‘jalik mahsulotlarimiz eksportini qariyb yarmiga — 5,5 milliard yevroga qisqartirdi, bundan dehqonlarimiz va fermer xo‘jaliklarimiz aziyat chekmoqda”, — dedi Maat.
Hozirgi vaqtda fermerlarning professional ittifoqi Rossiya joriy etgan oziq-ovqat embargosi muammolariga bag‘ishlab, Bryusselda norozilik namoyishi o‘tkazishni rejalashtirmoqda. Namoyish sentabr oyining birinchi haftasida bo‘lib o‘tishi mumkin.
Avvalroq Rossiya prezidenti Vladimir Putin Yevropa Ittifoqi mahsulotlarining Rossiyaga eksporti taqiqini yana bir yilga uzaytirgandi. Putinning so‘zlariga ko‘ra, Yevropa Ittifoqi sanksiyalariga nisbatan ko‘rilgan choralar mahalliy fermerlar uchun yaxshi bir imkoniyatdir.
Izoh (0)