31-iyul, juma kuni kechki payt AQSh prezidentining Vashingtondagi rasmiy qarorgohi panjarasidan oshib o‘tmoqchi bo‘lgan noma’lum ayol qo‘lga olindi. Bu haqda “TASS” xabar bermoqda.
CBS telekompaniyasining ma’lum qilishicha, u avval qarorgoh atrofidagi qo‘shimcha to‘siqdan oshib o‘tgan, so‘ng asosiy uch metrli panjaraga yaqinlashib, unga ham tirmasha boshlagan. Shundan so‘ng ayol maxfiy xizmat xodimlari tomonidan zudlik bilan qo‘lga olingan.
Keyingi paytda Vashingtonda Oq uyga kirishga qaratilgan bir necha harakatlar qayd etildi. Bunday xavfli tavakkalga asosan ruhiyatida muammolar bo‘lgan odamlar qo‘l uradi.
Izoh (0)