KXDR yetakchisi Kim Chen In xalq respublikasi harbiy-havo kuchlarining Kalma harbiy bazasida bo‘lib o‘tgan mashg‘ulotlarini kuzatdi. “TASS” xabariga ko‘ra, Kim Chen In mazkur mashg‘ulotlarni “AQSh va Janubiy Koreyaga qarshi urushga tayyorgarlik” deb atagan.
Uchuvchilarning ko‘rgazmali mashg‘ulotlarida qatnashgan Shimoliy Koreya bosh qo‘mondonligi boshlig‘i Ri Yon Gil o‘z nutqida Koreya yarimoroli ko‘lami jihatidan 65 yil avvalgi nizodan ortda qolmaydigan urush yoqasida turganini ta’kidladi. U, shuningdek, AQSh va Janubiy Koreyani “yolg‘onchilikda” hamda “urush vahimasini keltirib chiqarish”da aybladi.
Koreya markaziy telegraf agentligi mashg‘ulotlar aynan qachon o‘tkazilganiga aniqlik kiritmagan.
Izoh (0)