Virjiniyalik (AQSh) yuk mashinasi haydovchisi Mega Millions lotereyasida 153 million dollar yutib oldi. 52 yoshli Stiven Pelokin barcha soliqlarni to‘lab bo‘lganidan so‘ng 92 million dollarga ega bo‘ladi. Bu haqda AP agentligiga tayanib, “RIA Novosti” xabar bermoqda.
Mega Millions vakillarining ma’lumotlariga ko‘ra, Pelokin 30 yil davomida yuk avtomobillari haydovchisi bo‘lib ishlagan. Pensilvaniya shtatiga keta turib, Milton avtomobillar to‘xtash joyida bitta chipta oladi. Uni millionerga aylantirgan bu bekatga endi 100 ming dollar mukofot beriladi.
Pelokinning aytishicha, endi u va turmush o‘rtog‘i ishlarini tashlab, oila davrasida ko‘proq vaqt o‘tkazishi mumkin. Hisob-kitoblarga ko‘ra, Mega Millions o‘yinida jekpot yutish imkoniyati 259 millionga birni tashkil etadi.
Izoh (0)