O‘zbekiston TIVda AQSh Qurolli Kuchlari Markaziy qo‘mondonligi qo‘mondoni bilan uchrashuv o‘tkazildi

2015-yil 27-iyul kuni O‘zbekiston Respublikasi Tashqi ishlar vazirligida O‘zbekistonga tashrif buyurgan AQSh Qurolli Kuchlari Markaziy qo‘mondonligi qo‘mondoni, general Lloyd Jeyms Ostin III bilan uchrashuv bo‘lib o‘tdi. Bu haqda O‘zbekiston TIV matbuot xizmati xabar bermoqda.

Suhbat chog‘ida O‘zbekiston—AQSh munosabatlarining turli jihatlari hamda ba’zi xalqaro va mintaqaviy muammolar muhokama qilindi.

Uchrashuvda AQSh elchisi Pamela Leora Spratlen ishtirok etdi.