2015-yilning birinchi yarim yilligi yakunlariga ko‘ra, Qozog‘iston iqtisodiyoti aholi jon boshiga yalpi ichki mahsuloti (YaIM) hajmi bo‘yicha Rossiyadan o‘zib ketdi. Bu haqda “Nur.kz” xabar bermoqda.
OPЕK prognozi bo‘yicha, 2015-yilda Rossiya YaIMi 2,8 foizga qisqarib, 1,755 trillion dollarni tashkil etadi. Ayni vaqtda, “Rosstat” yil oxiriga borib mamlakat aholisi soni 146,6 million kishini tashkil etishini taxmin qilmoqda.
Ushbu holatda har bir rossiyalikka YaIM hajmi 706,5 ming rubl yoki 11 ming 975 dollarni tashkil etadi. Ko‘rsatkichning pasayishiga nafaqat noqulay tashqi makroiqtisodiy sharoit, shu bilan birga Qrim va Sevastopol hisobiga Rossiya aholisi soni 2,3 million kishiga ortgani ham sababdir.
Osiyo Taraqqiyot banki prognoziga ko‘ra, Qozog‘iston YaIMi 2015-yilda 1,9 foizga o‘sib, 216,3 milliard dollarni tashkil etadi. Mamlakatda aholi soni yiliga 1,5 foizga o‘sishda davom etsa, 17,7 million nafar qozog‘istonlikning har biriga YaIMning 2,4 million tengesi yoki 12 ming 424 dollar to‘g‘ri keladi.
Izoh (0)