Xorvatiya konstitutsiyaviy sudi sobiq bosh vazirga chiqarilgan hukmni bekor qildi

Xorvatiya konstitutsiyaviy sudi korrupsiyada ayblangan sobiq bosh vazir Ivo Sanaderga chiqarilgan hukmni bekor qildi. Bu haqda Reuters ma’lumotlariga tayanib, “Yevropeyskaya pravda” xabar qilmoqda.

Sobiq amaldor mahalliy INA neft kompaniyasida asosiy ulushga ega bo‘lishga intilgan Vengriyaning MOL neft-gaz kompaniyasidan pora olishda ayblanib, to‘qqiz yillik qamoq jazosi olgandi. O‘tgan yili Oliy sud Sanaderning aybini tasdiqladi, ammo jazo muddatini 8,5 yilga tushirdi. Konstitutsiyaviy sud esa sobiq bosh vazir ishini qayta ko‘rib chiqish haqida qaror qabul qildi.

Ma’lumotlarga ko‘ra, ish Zagreb sudiga qaytariladi.