Ozarbayjon prezidenti Ilhom Aliyevning qizi, Haydar Aliyev jamg‘armasi vitse-prezidenti Laylo Aliyeva bolalar uyidan bola asrab oldi, deya xabar bermoqda “Oxu.az” jamg‘arma ijrochi direktori Anar Alekperovga tayanib.
“Bolalar uylari va maktab-internatlarga muntazam ravishda tashrif buyurish natijasida u yerdagi bolalar bilan iliq munosabatlar yuzaga keladi. Shunday aloqalar tufayli Laylo Aliyeva ota-onasi vasiyligidan mahrum bo‘lgan qizchaga chin dildan bog‘lanib qoldi va uni asrab oldi”, — dedi Alekperov.
Ma’lum bo‘lishicha, qizchaning ismi Amina. U Laylo Aliyevaning egizak o‘g‘il farzandlariga singil bo‘ldi.
Eslatib o‘tamiz, avvalroq Laylo o‘z Instagram’ida musiqachi va Crocus Group kompaniyasi vitse-prezidenti Emin Agalarov bilan ajrashganini e’lon qilgan edi.
Izoh (0)