London meri va Buyuk Britaniya parlamenti deputati Boris Jonson Uilyam Shekspir vafotining 400 yilligi munosabati bilan shoir tarjimai holini kitob holiga keltirmoqchi. Bu haqda Independent nashriga tayanib, “TASS” xabar bermoqda.
Nashr ma’lumotlariga ko‘ra, Jonson Hodder nashriyoti bilan 500 ming funt sterlingga (776 ming dollar) shartnoma tuzgan. Kitob 2016-yilda sotuvda paydo bo‘ladi.
Buyuk Britaniya poytaxti ma’muriyati rahbari birinchi bor ijodiy mehnatga qo‘l urayotgani yo‘q: uning o‘tgan yil noyabrida chop etilgan “Cherchill omili: tarixni yaratgan odam” kitobi ommalashib, 160 ming nusxada sotilgan edi.
Ma’lumot o‘rnida: Shekspir biografiyasi 1987-yildan 1999-yilgacha Daily Telegraph gazetasida ishlagan 51 yoshli Jonsonning hisob bo‘yicha o‘n ikkinchi kitobi. 2000-yilda u Spectator jurnaliga bosh muharrir bo‘ldi, 2008-yilda esa shahar meri etib saylandi. Uning mer sifatidagi yillik maoshi 43,97 ming funt (68 ming dollar), deputatlik maoshi 74 ming funtni (115 ming dollar) tashkil etadi. Hozirda ham hamkorlik qilayotgan Daily Telegraph gazetasidan esa yiliga 275 ming funt, ya’ni 427 ming dollar oladi.
Izoh (0)