AQSh sobiq prezidenti Bill Klinton, 2016-yildagi prezidentlik saylovida Demokratik partiyadan nomzod bo‘lib qatnashishini e’lon qilgan rafiqasi Hillari turmushga chiqayotganida siyosat bilan shug‘ullanmoqchi bo‘lmaganini aytdi, deb yozadi “RIA Novosti”.
Time jurnaliga bergan intervyusida ta’kidlashicha, AQSh sobiq prezidenti Hillaridan ijobiy javob olgunicha, unga turmush qurish taklifini uch marta bildirgan. “Birinchi martasida unga uylanmoqchi ekanligimni, biroq u bunga rozi bo‘lmasligi kerakligini aytgandim, — dedi Bill Klinton. — Men Hillarini avlodning eng iste’dodli siyosatchisi va tug‘ma yetakchi deb hisoblayman, va turmushga chiqish o‘rniga u siyosat bilan shug‘ullanish uchun Chikogo yoki Nyu-Yorkka ketishi kerak, deb o‘ylagandim”.
O‘shanda AQShning bo‘lajak birinchi xonimi saylovda hech qachon nomzodini qo‘ymasligini aytgan. “Men o‘ta keskinman, hech kim meni yoqlab ovoz bermaydi”, — degan edi Hillari o‘shanda.
Izoh (0)