АҚШ собиқ президенти Билл Клинтон, 2016 йилдаги президентлик сайловида Демократик партиядан номзод бўлиб қатнашишини эълон қилган рафиқаси Ҳиллари турмушга чиқаётганида сиёсат билан шуғулланмоқчи бўлмаганини айтди, деб ёзади «РИА Новости».
Тimе журналига берган интервьюсида таъкидлашича, АҚШ собиқ президенти Ҳилларидан ижобий жавоб олгунича, унга турмуш қуриш таклифини уч марта билдирган. «Биринчи мартасида унга уйланмоқчи эканлигимни, бироқ у бунга рози бўлмаслиги кераклигини айтгандим, — деди Билл Клинтон. — Мен Ҳилларини авлоднинг энг истеъдодли сиёсатчиси ва туғма етакчи деб ҳисоблайман, ва турмушга чиқиш ўрнига у сиёсат билан шуғулланиш учун Чикого ёки Нью-Йоркка кетиши керак, деб ўйлагандим».
Ўшанда АҚШнинг бўлажак биринчи хоними сайловда ҳеч қачон номзодини қўймаслигини айтган. «Мен ўта кескинман, ҳеч ким мени ёқлаб овоз бермайди», — деган эди Ҳиллари ўшанда.
Изоҳ (0)