Germanwings aviakompaniyasi samolyoti 2015-yil martida Fransiyada halokatga uchrashi natijasida qurbon bo‘lgan uch nafar qozog‘istonlikning jasadlari o‘z vataniga yetkazildi, deya xabar bermoqda “Newskaz.ru” mamlakat tashqi ishlar vazirligiga tayanib.
Repatriatsiya Lufthansa aviakompaniyasi hisobidan amalga oshirilgan. Jasadlar bir necha oylab vaqt olgan shaxsni aniqlash jarayonidan so‘ng Qozog‘istonga yetkazilgan.
Barselonadan Dyusseldorfga ketayotgan Airbus A320 24-mart kuni Fransiya janubi-sharqidagi Alp tog‘lari hududida halokatga uchradi. Natijada 150 kishi qurbon bo‘ldi. Samolyot bortida uch nafar qozog‘istonlik bo‘lgan.
Izoh (0)