AQSh prezidentligiga nomzodini qo‘yish uchun da’vogarlik qilayotgan milliarder Donald Tramp o‘zining saylovoldi kampaniyasidagi raqibi — Janubiy Karolinadan senator Lindsi Gremni ovsar deb atadi, deya xabar bermoqda “TASS”. Tramp, shuningdek, uning shaxsiy telefon raqamini oshkor etdi.
“Men o‘sha ovsar Lindsi Gremni televizorda ko‘rdim, u meni kallavaram deb atadi”, — dedi Tramp Janubiy Karolinada nutq so‘zlar ekan. Uning ta’kidlashicha, uch-to‘rt yil avval, Tramp Fox News telekanaliga intervyu berishi oldidan Grem qo‘ng‘iroq qilib, uni efirda ijobiy ma’noda tilga olishni so‘ragan va telefon raqamini qoldirgan. Tramp ushbu raqamni o‘qib eshittirdi va: “Qo‘ng‘iroq qilib ko‘ring”, — deya taklif etdi.
Izoh (0)