Xitoyda umumiy maydoni 132 ming kvadrat kilometr bo‘lgan va 130 million aholiga mo‘ljallangan shaharlar aglomeratsiyasi tashkil etiladi. Bu haqda “Nur.kz” xabar bermoqda.
Megashahar aglomeratsiyaning eng yirik manzilgohlari — Pekin, Tyantszin va Xebeyning toponimlariga asoslangan ravishda Djin-Szin-Dji nomini oladi.
Hamjamiyatning har bir shahri o‘z sohasi uchun mas’ul bo‘ladi. Masalan, Pekin asosan texnologiya va madaniyatga e’tibor qaratadi, Tyantszinda esa texnologik tadqiqotlar bilan shug‘ullaniladi, Xebey borasida esa hozircha bir qarorga kelinmagan.
Mualliflarning fikricha, “mamlakatdagi iqtisodiy islohotlar lokomotivi” bo‘lishi kutilayotgan aglomeratsiya loyihasining amalga oshirilishi Xitoy prezidenti Si Szinpin tomonidan ma’qullangan.
G‘oyani amalga oshirish uchun hukumat ikki muammo — transport qatnovi va maktab hamda kasalxonalar yetishmovchiligini hal etishi kerak. Xitoyda tezyurar temiryo‘l qatnovi yuqori sur’atlarda rivojlanayotgan bo‘lsa-da, bir sinfda 65 nafardan o‘quvchi o‘qiydigan maktablar hali ham tez-tez uchrab turadi.
Izoh (0)