Braziliyaning Manaus shahridagi zo‘ravonliklar 35 kishining umriga zomin bo‘ldi

Braziliyadagi Manaus shahrida ro‘y berayotgan zo‘ravonliklar keyingi uch kun mobaynida 35 kishining hayotiga zomin bo‘ldi. Bu haqda mahalliy politsiya ma’lumotlariga tayanib, “RIA Novosti” ma’lum qilgan, deya xabar bermoqda “Knews.kg” sayti.

Ma’murlarning ma’lumotiga ko‘ra, masala shahardagi narkotrafik bilan bog‘liq jinoiy guruhlar vakillari o‘rtasidagi o‘zaro hisob-kitoblarga borib taqalishi mumkin. Qotilliklarning aksariyati Manausning narkomafiya mavqeyi baland bo‘lgan chekka hududlarida sodir etilgan.

Ayni paytda shahar ko‘chalariga tergovchilarga ommaviy zo‘ravonliklar tafsilotlarini aniqlashda yordam berish uchun harbiylashgan politsiyaning qo‘shimcha kuchlari kiritilgan.