Jasur Abduraimov boshchiligidagi O‘zbekiston U-19 terma jamoasi 2016-yili Bahraynda bo‘lib o‘tadigan Osiyo chempionatiga tayyorgarlik ko‘rmoqda, deb xabar qiladi O‘zbekiston futbol federatsiyasi matbuot xizmati.
Saralash bosqichi uchun tashlangan qur’a natijalariga ko‘ra, O‘zbekiston yoshlar terma jamoasi “A” guruhidan o‘rin olgan. Abduraimov shogirdlariga guruh bosqichida Bangladesh, Pokiston, Shri-Lanka va Butan terma jamoalari raqiblik qiladi.
Avvalroq saralashning ushbu guruh o‘yinlari Shri-Lankada o‘tkazilishi ma’lum qilingan edi. Biroq Shri-Lanka guruh o‘yinlariga mezbonlik qilishdan bosh tortdi. OFK bu guruh o‘yinlarini Bangladeshda o‘tkazish haqida qaror qildi.
“A” guruhida saralash o‘yinlari 28-sentabrda boshlanib, 6 oktabrga qadar davom etadi.
O‘zbekiston U-19 ning saralash bosqichidagi o‘yinlari taqvimi bilan tanishing.
30-sentabr.14:00 Shri-Lanka – O‘zbekiston
2 oktabr.14:00 O‘zbekiston – Butan
4 oktabr.14:00 Pokiston – O‘zbekiston
6 oktabr.17:00 O‘zbekiston – Bangladesh
* O‘yinlar Toshkent vaqti bilan keltirilgan.
Izoh (0)