Rossiya Federatsiyasi prezidentining matbuot kotibi Dmitriy Peskov Vladimir Putin 2018-yilgi jahon chempionati saralash bosqichiga qur’a tashlash marosimida ishtirok etishi hamda FIFA prezidenti Yozef Blatter bilan uchrashishini tasdiqladi, deb xabar qiladi “RIA Novosti”.
Jahon chempionatining saralash bosqichiga qur’a tashlash marosimi 25-iyul kuni Sankt-Peterburgda o‘tkaziladi. Marosim Moskva vaqti bilan 18:00 (Toshkent vaqti bilan 20:00)da boshlanadi va 2 soat davom etadi. Marosim 100 dan ortiq mamlakatlarga translyatsiya qilinadi.
Jurnalistlarning prezident jadvalida Blatter bilan uchrashuv bor-yo‘qligi va davlat rahbari qur’a marosimida ishtirok etish-etmasligi haqida bergan savoliga Peskov quyidagicha javob berdi:
“Ha, Blatter bilan uchrashuv bo‘lib o‘tishi kutilmoqda, bu jadvalda bor. Bundan tashqari, prezident marosimning ushbu qismida ishtirok etadi”.
Avvalroq Yozef Blatter Putin bilan uchrashuv tashkil qilishlarini so‘ragani xabar berilgandi.
Izoh (0)