Жасур Абдураимов бошчилигидаги Ўзбекистон U-19 терма жамоаси 2016 йили Баҳрайнда бўлиб ўтадиган Осиё чемпионатига тайёргарлик кўрмоқда, деб хабар қилади Ўзбекистон футбол федерацияси матбуот хизмати.
Саралаш босқичи учун ташланган қуръа натижаларига кўра, Ўзбекистон ёшлар терма жамоаси «А» гуруҳидан ўрин олган. Абдураимов шогирдларига гуруҳ босқичида Бангладеш, Покистон, Шри-Ланка ва Бутан терма жамоалари рақиблик қилади.
Аввалроқ саралашнинг ушбу гуруҳ ўйинлари Шри-Ланкада ўтказилиши маълум қилинган эди. Бироқ Шри-Ланка гуруҳ ўйинларига мезбонлик қилишдан бош тортди. ОФК бу гуруҳ ўйинларини Бангладешда ўтказиш ҳақида қарор қилди.
«А» гуруҳида саралаш ўйинлари 28 сентябрда бошланиб, 6 октябрга қадар давом этади.
Ўзбекистон U-19 нинг саралаш босқичидаги ўйинлари тақвими билан танишинг.
30 сентябрь.14:00 Шри-Ланка – Ўзбекистон
2 октябрь.14:00 Ўзбекистон – Бутан
4 октябрь.14:00 Покистон – Ўзбекистон
6 октябрь.17:00 Ўзбекистон – Бангладеш
* Ўйинлар Тошкент вақти билан келтирилган.
Изоҳ (0)