Tennis bo‘yicha norasmiy jahon chempionati hisoblangan Devis Kubogining pley-off bosqichiga qur’a tashlandi. Unga ko‘ra, O‘zbekiston terma jamoasi liganing jahon guruhiga chiqishi uchun AQSh to‘sig‘idan o‘tishiga to‘g‘ri keladi, deb xabar qiladi “Olamsport.com”.
E’tiborlisi, O‘zbekiston – AQSh terma jamoalari uchrashuvi 18—20-sentabr kunlari O‘zbekistonda o‘tkaziladi. Tez orada O‘zbekiston tennis federatsiyasi ushbu uchrashuvning qaysi shaharda o‘tkazilishini rasman e’lon qiladi. Katta ehtimol bilan uchrashuv Toshkentda bo‘lib o‘tadi.
Eslatib o‘tamiz, Petr Lebed bosh murabbiyligidagi O‘zbekiston termasi 17—19 iyul kunlari Toshkentda Janubiy Koreya terma jamoasini 3:2 hisobida mag‘lub etib, pley-off bosqichiga yo‘llanma olgan edi.
Izoh (0)