Gruziya Abxaziya va Janubiy Osetiya mamlakat tarkibiga konstitutsiyaviy yo‘l bilan qaytarilishiga erishadi, bu haqda mamlakat bosh vaziri Irakliy Garibashvili aytib o‘tdi, deb yozadi “Kommersant.ru”.
“Biz albatta Abxaziya va Osetiyaga kirib borib, aka-singillarimiz — abxazlar va osetinlar bilan ahil-inoq yashaymiz. Biz bunga konstitutsiyaviy yondashuvlar orqali erishamiz”, — dedi Garibashvili Sxinval mintaqasiga Janubiy Osetiya chegarasini bildiruvchi yangi axborot belgilari o‘rnatilishini izohlar ekan.
U, shuningdek, Janubiy Osetiya va Abxaziya yana bir necha yillar yuridik jihatdan tasdiqlanmagan holda mustaqil davlat sifatida faoliyat olib borishi mumkinligini, biroq “tarixiy adolat albatta qaror topishi”ni ta’kidladi.
Izoh (0)