Tergov Gruziyaning birinchi prezidenti Zviad Gamsaxurdia o‘limi bilan bog‘liq ishni “o‘z joniga qasd qilish”dan “qotillik” moddasiga almashtirdi. Bu haqda Gruziya Bosh prokuraturasidagi manbalariga tayanib, mamlakatning ayrim OAVlari yoritganini “Interfaks” ma’lum qildi, deya xabar bermoqda “Vedomosti” nashri.
Prokuratura bir necha oydan beri tekshiruv o‘tkazmoqda. Ushbu tekshiruv doirasida tergov harakatlari olib borilgan, dunyoning bir necha mamlakatlariga so‘rov jo‘natilgan, so‘roqlar o‘tkazilgan, prezident o‘limi tafsilotlari o‘rganilib, Gamsaxurdia halok bo‘lgan joy ko‘zdan kechirilgan. Prezidentning o‘g‘li Konstantin Gamsaxurdia o‘zi va qarindoshlari prokuratura vakillari bilan ko‘rishgani, ular 1994-yilda boshlangan tergov harakatlari umuman qoniqarsiz o‘tkazilganini ma’lum qilgani haqida xabar berdi.
Eslatib o‘tamiz, Gruziyaning birinchi prezidenti 1993-yil dekabrida hayotdan ko‘z yumgan. 1994-yil fevralida bu fojia yuzasidan jinoiy ish ochilgan. Rasmiy tergov o‘shanda Gamsaxurdia joniga qasd qilgani haqida bayonot bergan, ammo uning tarafdorlari bu taxminga ishonmadi.
Izoh (0)