Filippinda musson jalasi oqibatida Panian konidagi ko‘mir karyerining devorlari o‘pirilib tushdi va uch kishi halok bo‘ldi. Bu haqda Reuters ma’lum qilmoqda.
Yana olti kishi dom-daraksiz yo‘qolgan. Qutqaruvchilar taxminiga ko‘ra, ular devor qoldiqlari ostida qolib ketgan bo‘lishi mumkin. Hodisa ro‘y bergan Antike provinsiyasining Semirara oroliga og‘ir texnika keltirildi.
Kon egalari, Semirara Mining & Power Corp. kompaniyasi vakillari ma’lumotlariga ko‘ra, favqulodda holat 17-iyul, juma kuni tungi uchlarda ro‘y bergan. Karyerda bu paytda ish olib borilmagan, ammo to‘qqiz kishi suv uzatish tizimi ta’miri bilan shug‘ullanayotgan bo‘lgan.
Izoh (0)